Seremoni nan okazyon dezyèm anivèsè sasinay Prezidan Jovenel Moïse

0
1049
Minis jistis la Emmelie Prophète, Ariel Henry ak prezidan kou Kasasyon an k ap rann omaj ak Jovenel Moise

Yon seremoni dèy te òganize pou rann omaj ak Prezidan Jovenel Moïse nan jaden Mize Panteyon Nasyonal Ayiti (Mupanah), jou ki te vandredi 7 jiyè 2023 a, yon jounen Primati a te deklare  ofisyèlman “jounen dèy” sou tout teritwa nasyonal la.

Nan sikonstans sa a, Premye Minis Ariel Henry ak Minis Kilti, Kominikasyon ak Jistis la Emmelie Prophète, te depoze yon kouwòn sou yon sit ki te bati pou okazyon an. Moun ki te prezan ankò nan seremoni a, se manm estaf Fòs Lame Ayiti yo (FAD’H), Polis Nasyonal Ayiti (PNH), kò diplomatik la, ak kèk manm kabinè ministeryèl la.

Nan Pèlerin 5,  kote prezidan an te abite, te gen yon kokenn aktivite pou komemore jounen dèy sa a. Plizyè fanatik ansyen prezidan te vin pote solidarite ak patizan Jovenel yo nan mas popilè a. Plizyè kouwòn flè te depoze nan memwa Jovenel.

Nan Okap tou, presizeman nan Madelin, te gen yon mès epi yon manifestasyon pou mande jistis ak arestasyon asasen Jovenel Moïse, dezan apre asasina li. Plizyè santèn aktivis politik pwòch prezidan sasinen an te mache nan lari dezyèm vil peyi a pou mande jistis ak arestasyon asasen Jovenel Moïse yo. Kèk moun pwoch fanmi prezidan an, tankou ansyen konseye espesyal Osé Daniel, ansyen minis Marie Gislaine Mompremier, ansyen senatè Nawoon Marcellus ak ansyen direktè depatmantal Ministè Edikasyon Nasyonal nan Nò a, Curtis Eyma.

Yon sit ki te konstwi pou resevwa flè ak kouwòn nan okazyon an

Anmenmtan tou, yo te òganize yon jounen ouvè nan mozole a ki dedye nan memwa ansyen prezidan an nan Madeline. Kokenn ekran jeyan te enstale sou plas la pou difize reyalizasyon defen prezidan an, konsa raple eritaj politik li. Ansyen premye dam Martine Moïse, ki te anonse vizit la sou sit la, pa t ‘kapab prezan akoz li te rate avyon li. Kòm yon siy dèy ak solidarite, administrasyon piblik la, bank komèsyal yo ak gwo komès la te sispann tout aktivite yo pou jounen 7 jiyè a, yon desizyon Delegasyon Nò a te pran.

Moun Twoudinò, nan Nòdès pat bliye Jovenel Moise, yo te komemore zay sasinay la komsadwa. Nan mès ki te fèt la, Pè Ernst Dorcin, te prezante prezidan an kòm “yon moun ki bay tout bagay pou avansman peyi sa a, men malerezman ki moun ki lach yo te touye, pa gason ak fanm obsede ak rayisman, malis, jalouzi.” Li raple tou “krim sa a sèlman kontinye sal imaj nasyon ayisyen an plis sou entènèt la”.

Yon ti tan apre mès la, anba yon solèy cho, ansyen senatè Wanique Pierre te dirije yon mach, akonpaye ak plizyè moun nan administrasyon piblik la.  Ansyen palmantè a te depoze yon kouwòn flè tou, anmemwa prezidan an, nan Kafou Jezi, nan lokal yon izin asfalt administrasyon Jovenel Moïse la te kòmanse. Nan moman sa a, patizan yo ak tout aktivis politik yo te pwofite mande jistis pou ansyen prezidan an.  « Yon lòt fwa ankò, nou denonse asasen Prezidan Jovenel Moïse. Dezan apre, plizyè sispèk ap kouri pandan anpil lòt non kontinye ap site nan krim sa a. Nou mande jistis”, te deklare ansyen senatè Wanique Pierre.

Nan yon kominike li fè soti, pati politik Ayisyen Pou Ayiti di li regrèt dosye a bloke nan jistis ayisyen an, paske menm kriminèl ki te komèt zak la se yo ankò ki  kontwole lajistis la. Se nan sans sa a yo mande menm jan ak Martine Moise pou Nasyonzini mete kanpe yon tribinal espesyal entènasyonal pou fè limyè sou krim lan.

Pou pati AYISYEN POU AYITI a, se sèlman yon tribinal espesyal entènasyonal, Nasyonzini mete sou pye, ki kab pote jistis bay pèp ayisyen an, nan jije ak nan mete nan prizon tout kriminèl, otè ak konplis sasinay lach sa a, ki te komèt zak la ak sipò kèk kriminèl nan kominote entènasyonal la.

Pati AYISYEN POU AYITI pwofite komemorasyon tris sa a pou l lanse yon apèl bay tout fòs vivan pèp ayisyen an pou yo rive jwenn yon inite reyèl nan aksyon pou yo ka chase pouvwa sa a pou restorasyon n lòd konstitisyonèl ak enstitisyonèl atravè eleksyon demokratik ak onèt nan lide pou yo enstale ofisyèl eli legal ak lejitim nan tèt enstitisyon Leta a!

 

LEAVE A REPLY

Please enter your comment!
Please enter your name here