Ansyen Senatè Nò a ki te kandida ala prezidans pou platfòm Pitit Desalin nan Moise Jean-Charles te bay yon konferans pou laprès jou ki te lendi 26 fevriye a pou l fè konnen : li sot pran swen Kiba, li anfòm pou l reprann mobizasyon an. Li te tou pwofite lanse yon iltimatòm bay gouvènman an Moise/Lafontant. Senatè a deklare karebare : li bay Jovenel yon semèn pou l satisfè revandikasyon viktim mache ki te boule yo.
Ansyen kandida mande pou otorite yo nan leta a bay siy klè, yo pral fasilite lajistis sou ankèt senatè yo te fè sou fon PetroCaribe a.
